周中赛事以国际赛盃赛为主，但阿King最有心水嗰场係西乙升班附加赛首回合，拉科鲁尼亚主场迎战马略卡。拉科一向靠主场搵食，撞正客场脚仔软嘅马略卡，必藉地利抢先机，让平半照捧上盘。（Now 632周五凌晨3时直播）
今季才降落西乙嘅拉科，几经辛苦之下，最终于联赛杀上第6位，取得附加赛入场券，并喺4强两回合计以5比2淘汰马拉加，其中喺首回合主场先赢4比2非常关键，奠定出线基础。儘管难与昔日「超级拉科」相提并论，不过佢哋今季主场出击特醒，连埋附加赛4强在内，22场取得11胜8和仅3败，其中近3仗全部赢晒，唔讲得笑。
另一边厢，马略卡在附加赛4强两回合险胜阿尔巴塞特2比1，气势唔及拉科，而且呢支小岛球队客场差劲，今季作客只得4胜8和10负，加上两军近5次交手，拉科取得4胜1负摆明格食格喇，让平半必捧上盘。
奥地利U21折箭益晒丹麦
再讲两场喺意大利举行嘅U21欧国盃B组次轮赛事，丹麦U21对奥地利U21，奥地利U21虽然上仗赢波，但先开纪录嘅前锋禾夫被严重侵犯导致断脚，缘尽馀下赛事，攻力受削，急于开斋嘅丹麦U21有机可乘，平手盘坐和望赢。
至于德国U21对塞尔维亚U21，德国U21前锋马高列治达弗到漏油，上仗对丹麦U21省两粒兼交出助攻，塞尔维亚U21上仗输畀奥地利U21之馀，主力祖云奴域更领红牌被逐，今仗坐波监，赔了夫人又折兵，德军可乘胜追击，主胜有计。