德甲附加赛首回合，德甲尾3嘅史特加主场迎战德乙第3嘅柏林联，两队会踢主客两回合赛事，决定下季最后一个德甲名额谁属。
（on.cc东网周五凌晨2时30分直播）
史特加今季沦落到要踢附加赛，讲表现当然唔好，但到咗季尾已经知耻近乎勇，起码主场两连胜大大增强咗护级信心。新帅韦宁亦早早有心理准备踢附加赛，今晚集中精神，主场踢首回合必定抢攻，希望有个好开始。睇番近10届德甲附加赛成绩，只有2011至12年球季，係乙组第3嘅杜塞尔多夫越级挑战成功，两回合合计击败甲组尾3嘅哈化柏林升上德甲，其馀9届都係由甲组尾3球队成功护级，呢个数据确实令史特加更添抢攻信心。
柏林联主动出击
不过乙组仔柏林联创会113年以来，都未升过上最高级别嘅德甲，今次有机会创造历史时刻，球会上下自然格外肉紧。柏林联今季作客成绩一般，只排德乙第9唔算特出，但细心一睇作客输波率亦唔高，特点係柏林联好肯攻，佢哋近12场作客赛事之中，有10场成功攻破对手最后防线。回顾煞科日柏林联落后两球下连追两粒，若非发力太迟，睇个势反胜波琴绝对有机会，升上德甲席位亦一早落入柏林联手中，吸取过教训后，预期呢支乙组仔今晚唔会坐以待毙，今仗大有可能係一场入球骚，投注建议最好睇到其中一队入波后，走地追大盘就啱数。