瑞超踏入最後三周聯賽，兩支爭標分子周一均作客，其中榜首的諾高平，作客已失歐洲賽機會的艾夫斯堡，挾聯賽九場不敗氣勢，受讓平/半可取下盤。
諾高平以27戰60分領導瑞超群雄，只要餘下三仗全勝，就可以自1992年以來取得另一次瑞典頂級聯賽冠軍。當然以賽程計，今仗作客艾夫斯堡是一大考驗；諾軍仍有中場安拿臣缺陣，不過前鋒伊馬古祖域（前）仍勇，上仗對赫根梅開二度下，以19球在瑞超射手榜遙遙領先，加上後防穩健，作客13戰只失10球，冠絕瑞超，挾聯賽九場不敗走勢，無懼主隊艾夫斯堡。
艾夫斯堡上仗不敵希爾星堡，已無法趕上前三名晉身來季歐洲賽，餘下聯賽只屬名次之爭，雖然主場甚硬淨，開季至今僅不敵辛斯華爾，但近況平平，近六仗僅一勝，鬥志欠鮮明下，讓唔起諾軍。
撐哥登堡破佐加頓斯
同日另一支爭標分子哥登堡，則作客佐加頓斯；哥軍落後諾高平兩分，仍有反先機會，惟接連作客佐加頓斯及AIK蘇納，是關鍵戰役；幸好佐軍連場失分下，已經失歐洲賽機會，今仗屬風流波，以哥登堡近八仗聯賽不敗走勢，加上中場蘇連列克斯、前鋒波文等好手可列陣，讓平/半仍可取。