周二上演英格蘭聯賽錦標分組賽，南部H組煞科戰兩支英甲球隊對壘，彼德堡（圖）主場迎戰已提早出線的盧頓。彼德堡要晉級，今場要贏波加上盡量爭取入球才穩陣，勢必向盧頓開火，入球大細中位數開[2.5/3球」，捧「大」。

 
英錦標分組賽採取單循環制，首兩戰皆勝的盧頓，以四分領先其餘三隊，換言之已提早晉級。彼德堡以較佳得失球差暫列次席，由於一旦同分情況下將以得失球差決定名次，因此彼德堡若能大勝，出線機會便甚大。

彼德堡在今季英甲成績不俗，經過近半季後暫列第三位，並剛於上周六英足盃賽事，以3:1擊敗布羅姆利。彼德堡在上場英甲作客韋甘比，雖以0:1落敗，但進攻火力亦有保證，在今季英甲已入33球屬24隊之冠，前鋒葛頓與積臣甘明斯分別貢獻九球及六球。

盧頓在英甲亦屬前列分子，近況亦不俗，剛於英足盃於主場擊敗韋甘比，近5戰4勝1和。盧頓進攻力亦不弱，最近10場比賽裏佔九仗皆至少攻入對手兩球，今屆英錦標兩場分組賽亦各入兩球，火力有保證下，今場入球「大」可期。
文：何西