周日澳職兩支下游球隊交鋒；中岸水手上仗大敗，更有後衞史唐路斯「恐怖受傷」提早收咧，主場亦欠威力；紐卡素噴射機已三場不敗，就算作客平手盤仍較值支持。
 
水手以12分排包尾，落後前六球隊達17分，要爭入季後賽只餘數字上可能，球隊亦慘事連連，上仗作客墨爾本城領先一球下，以1:4大敗，後衞史唐路斯更多處骨折重傷收咧；傷兵之餘，更有兩名主力停賽，包括首席射手法比奧費拉拿，攻力大打折扣。水手今季10場主場只得兩勝，是澳職主場最差球隊，平手盤也不值支持。
紐卡素噴射機近三仗取七分下，已升上第八位，仍有望取季後賽席位；噴射機前仗作客在布里斯班獅吼身上搶分，絕非僥倖。客軍陣容亦完整，除夏列迪外，簡達路夫斯基及馬迪奧普積克停賽復出，新加盟前鋒洛史特蘭大勇，可領軍再取三分。