又到星期日，虽然嚟紧周中有欧联欧霸赛事，好多参战名牌都安排喺寻晚比赛，今晚有睇头嘅大战唔多，不过阿King喺小联赛都搵到好嘢，一于玩番条大细过关，主打德乙「1哥」比勒费尔德主场对汉诺威，双方近期前线都弗爆，今场大细中位数只係2.5球，1.72倍大盘可做过关重心。（周日晚8时30分开赛）

德乙冬季冠军比勒费尔德歇冬后强势持续，佢哋原本就火力十足，法比安高路斯（蓝衫）、禾格斯森马两大箭头，今季合共取得25个联赛入球，而且近两轮全胜共入10球之馀，呢10个入球只有1个由法比安高路斯射入，其馀9球来自其他唔同球员，绝对令对手防不胜防；汉诺威经过灾难开局后，去年底搵嚟前辛特侯逊少帅高卡克领军，近期战绩冒升中，近3轮轰入6球，前线薛迪杜卓特同原口元气都弗到爆，但防线未执掂，近7轮联赛场场失波，今晚作客会係入球骚。

布鲁日留力撼曼联
跟住睇埋比甲，班霸布鲁日主场对查内尔，布鲁日啱啱喺欧霸主场力撼曼联，赛和1比1表现出色，佢哋喺联赛榜已抛离群雄，当然会留力周中作客奥脱福嘅次回合赛事，何况佢哋近两次对查内尔都入唔到波，今仗中位数开到2.5球就知入波唔会多（周日晚9时30分开赛）；最后拣埋真特主场对圣图尔登，真特亦刚于欧霸作客罗马，力战仅输0比1，周中返主场仲有机会翻盘，今晚当然歎慢板唔会去尽，遇上近期接连遇弱旅都输0比1嘅圣图尔登，大细中位数开到3/3.5球，都係撑细盘稳阵。（周一凌晨3时开赛）