新败例必极速反弹
英超周四凌晨补赛，曼城主场迎战韦斯咸。曼城每逢联赛新败后例必反弹，加上近年同「锤仔帮」对赛毫不留情，多次大炒对手，今场让球主客和只係「-2」，全因曼城之后有频密赛事所以让少咗，变相极之抵玩，必捧让球主胜。

（Now 611及621周四凌晨3时30分直播）

呢场波原本係2月9日踢，因为天气关係取消，双方都抖咗超过10日，值得留意嘅係，上个星期足智彩开盘，让球主客和曼城係「-3」，但今场只係「-2」。曼城上轮联赛再次失分，作客倒灶0比2不敌热刺，除咗有左闸辛真高领红被逐之外，根度简仲射失12码、全队2度射中门柱，相反热刺2次中龙射门却全部入网，输波的确颇为不值。

目前「蓝月亮」已经落后榜首「红军」利物浦25分，争冠机会淼茫，但值得留意係曼城今季之前联赛5次败阵之后，下场波都即刻生性，可以即时赢波反弹，包括早前输畀利物浦同曼联后，紧接下一仗分别击败车路士同阿仙奴，呢场誓搵韦斯咸出气。

近5次交锋尽炒韦斯咸
韦斯咸早前因战绩欠佳而易帅，但改由莫耶斯领军后未见起色。查实「莫天才」除接手头2场赢波外，韦斯咸近6仗得2和4负，包括上轮领先3比1大好形势下，畀白礼顿逼和3比3，锋线虽有一定攻击力，不过后防表现实在不敢恭维。况且两军近5次正面交锋，曼城赢晒之馀，其中4次係赢3球或以上，呢场想再大炒韦斯咸完全冇难度。