世界盃東道主俄羅斯今晚藉主場之利，挑戰至今未嘗一敗的克羅地亞。雖然白頭沈曾屢次貼中俄軍今屆的比賽，但該隊已經自揭底牌，不會再有被對手看不起的優勢，簡單點講句就是難再偷雞下，我傾向睇好具問鼎冠軍條件的格仔兵團。

　　俄羅斯貴為歐洲中堅分子，兼是今屆主辦國，但球隊卻以超低調的姿態進軍決賽周（球隊低調，但國家超高調），23人大軍名單，只得維拉利爾翼鋒卓利舒夫效力於歐洲6大聯賽，人數更遜於哥斯達黎加或秘魯，現在證明果然是刻意示人以弱的掩眼法。

　　其實俄羅斯這個鐵幕國家，既然可以在眾目睽睽之下吞併克里米亞，甚至連美國總統大選都夠膽干預，區區世界盃，以陰謀論的角度看，又怎會不敢使橫手？不過來到8強，大家有甚麼好牌，都攤在抬面上了，以波論波，我不認為他們可以好得過克羅地亞。

　　當然，在場外看不到的美人計呀、銀彈計呀、落毒計呀、禁藥計呀，就要另作別論了。

　　能夠淘汰西班牙，並不代表可以揮低格仔兵團，因為鬥牛國早因內耗而大幅削弱，但克羅地亞卻不像西班牙般內憂外患，在領隊達歷選擇在首戰後遣返扭計球星卡連歷後，幾乎等同向外界宣示︰我哋已經豁出去，即管放馬過來啦！

　　白頭沈對克羅地亞之欣賞，即使他們碰上巴西或比利時，也可能會捨後兩者而取之。故今仗面對俄羅斯，就算大大個普京楝響度，我都揀上盤。