睇羽毛球，见到林丹你会谂起李宗伟！睇足球，见到美斯你会谂起Ｃ朗拿度！其实好多运动员都一样，当你遇到有好嘅竞争对手，自然就会要求自己要做得更好，不停鞭策自己，为嘅只係要证明畀其他人睇边个先係No.1，所以能够搵到一个可以比较嘅对手，都算係一种幸福，就好似搵老婆一样，绝对係可遇不可求。

英超经过两轮比赛之后，曼联同曼城两队暂时就排联赛首、次名位置，两队嘅领队「寸王」莫连奴同哥迪奥拿，之前喺西甲都斗到你死我活，今季转战英超，两位都分别执教曼彻斯特同市球队，唔理佢哋有心定无意啦，总之都算係一种缘分，虽然莫连奴之前都带领过球队攞英超冠军，但係如果有哥迪奥拿呢个老对手同佢争嘅英超冠军，相信就赢得更有说服力，不过英超联竞争咁激烈，有能力争标嘅球队两隻手先数得晒，两位斗还斗，都要留意其他球队o架。

顺带一提，今个星期港超联都开波喇，睇英超之余，有时间都要支持吓本地波嘅，撑港超！睇东网！