■学生队对住近5场不胜嘅圣马田圣祖安，全取叁分唔难。

「沙兵」场波又要睇往绩，仲要睇埋赔率先至下到决定，不过另一边厢嘅学生队就唔使搞咁多嘢，事关佢哋近期喺主场交到功课，而对手只係弱旅圣马田圣祖安，唔贪心要主胜就包冇走鸡。（周五4，香港时间周六8:10am开赛）
讲真呢场波真係唔使点谂就知道点买，事关杯赛一向都係强队天下，主队学生队虽然係辛苦啲，凭下半场反胜辛达马连拿，但係总算都叫做赢到，不过圣马田圣祖安就同卡塞罗斯学生队踢到要互射12码先至晋级，净係凭住呢场杯赛就已经分出高低啦。
咁都唔止，唔好睇漏学生队喺近4场主场赢过3仗咁多，喺自由杯击败圣达菲一役就更加係冇花冇假，睇嚟佢哋嘅主场威力仲係唔错；同时唔好忘记佢哋已经唔使分心踢自由杯，返到阿甲係时候抢分上返较前嘅位置，难得遇到近况平平嘅圣马田圣祖安，有咁大旧鱼腩放喺面前又点会唔起筷呢？（孙公）