■洪都拉斯嘅迪斯古亚（右）首仗对美国都入到波，今次对巴拿马好大机会再度破网。

美洲金杯A组仲有一场赛事上演，洪都拉斯首战迫到美国有气冇定唞，今场绝对有力击败巴拿马全取3分，不过巴拿马可能只係首战失准，真正实力唔係咁弱，呢场睇好洪都拉斯小胜1球，让和大有机会开出。（周五3，香港时间周六5:00am开赛）
巴拿马之前喺热身赛有力迫和厄瓜多尔，甚至击败哥斯达黎加，实力上有咩理由唔係高海地几班，但佢哋喺分组赛首战真係落笔打叁更，几乎输埋俾海地，嚟紧要出线真係至少要喺今场取胜，唔係最后一场打美国就更加冇赢面；不过相对上，洪都拉斯首战表现真係太出色，佢哋全场压迫美国几乎过唔到半场，前线射门又多，唯一问题係把握力同制空力，还好巴拿马都唔係擅打咩高空攻势，呢场洪都拉斯都唔会太辛苦，前线靠卢辛奴等都够士哥能力，呢场睇好佢哋可赢波，不过既然巴拿马都係3分志在必得，呢场都唔会死守，睇嚟洪都拉斯赢2:1机会大，买让和啱晒。（易搏赢）