丹普西（美国）

拿臣（海地）

美洲金杯话咁快打到第二轮分组赛，大热门美国喺A组基本上冇对手，虽然上一场係赢得辛苦，但总算搞掂同组最劲嘅洪都拉斯，嚟紧两场分别打海地及巴拿马，绝对又係睇定嚟食。呢场先打海地睇嚟奇连士文都唔会留手，因为要留力走线都要赢埋呢场至得，所以呢场就算让几多都冇所谓，睇好美国大胜一场。（周五5，香港时间周六8:30am开赛）

海地要打外围赛至入到嚟最后12强，就已经知道佢哋实力同美国相距几远，而不过事实上，佢哋上一场表现係令人惊喜，因为巴拿马喺国际赛经验上绝对比佢哋优胜，最后海地迫和对方1:1，某程度上真係超水准演出，睇番佢哋阵容，前中后叁线都有球员效力法乙球会，后卫哥力斯效力俄超罗斯托夫，似乎呢个国家近年足运发展不俗，当然现阶段要追上几支传统中北美洲球队不可能，但今战都未必可以输得好好睇睇。

主办国有地利

美国上一战表现令人极之失望，因为佢哋既係主办国，又係大热门身份，唔少人对佢哋抱有更大期望，不过自当路云、谢明锺斯等冇入选下，呢支新一代美军级数上似乎不及上一辈，当中上场打洪都拉斯，左路萨迪斯、前线艾迪度尼、门将巴特古辛等，表现都可以用不知所谓嚟形容。上场之所以赢到洪都拉斯，都真係靠丹普西喺前线把握两次黄金机会，但丹爷始终都係老将，上场打到70分钟过后明显脚软，美国喺最后20分钟完全冇还手之力，咁嘅表现打分组赛可以，但如果撞上墨西哥之流，恐怕都真係多多唔够输。

毋须留力走线

而事实上，既然上场打得一般，今场奇连士文又因应对手太弱，都可能作出变阵，当中艾朗祖汉臣、苏斯等可能出任正选，而艾迪度尼都係时候自己检讨吓，预期C组墨西哥点打都会首名出线下，美国都冇咩实际走线必要，今场应该全力扑杀对手，睇嚟赢3球以上冇大问题。（易搏赢）