谢拉特（洛杉矶银河）

过去唔睇美职嘅你，新一季都可能要多啲留意呢队洛杉矶银河，因为前红军队长谢老四已强势加盟，肯定在明早开波嘅国际冠军杯首度亮相，当然银河都唔只得谢拉特一个，罗比坚尼等都仍然有心有力，呢场洛杉矶银河面对CF阿美利加，点计都有半个主场之利，信佢哋可以旗开得胜。（周六32，有线61、201台周日11:30am直播）
谢拉特于七月七日开操，球会方面已确认今场佢会纳入大军名单，虽然未必会即时正选上阵，但就算佢打半场都肯定威力十足，仲记得当年碧咸嚟到喺实力上都已经有压场之感，谢拉特喺中场效率更高，肯定更有效帮到球队争取入球。而事实上，射手罗比坚尼仍然有极强战斗力，上场联赛大胜多伦多就连中叁元，虽然阵内有萨迪斯等代表美国缺阵，但实力不致大幅削弱；相对上，CF阿美利加已个半月冇正式赛事，赛前并未有任何热身赛，而且阵内有主力离队及新教练上场，今次出战呢个杯赛似乎冇太大决心，捧洛杉矶银河应该可以赢波赢盘。（易搏赢）