麦托斯（牙买加）

■加拿大首战对弱旅萨尔瓦多攻门欠奉，今仗睇怕都係失分格。

美洲金杯B组赛事继续开打，牙买加首战一如所料状态胜一筹，以2:2迫和哥斯达黎加，而通过咗最难打一关，余下两战对手仅为加拿大及萨尔瓦多，多取一场胜仗力足出线，而佢哋今战先打主办国之一加拿大，基于对方都有主场之利，牙买加唔会太轻鬆，呢场估双方都係和波收场居多。（周六21，香港时间周日6:30am开赛）

加拿大虽然作为主办国，不过今场波就喺美国上演。佢哋今次喺大赛行得几远都係未知数，因为球队喺足球发展上近年有啲迟缓，今次大军上基本上冇高质外流兵在阵，中前场主力都主要係美职联球员，首战仅迫和萨尔瓦多已经令人非常失望，就算最终喺呢组出到线，睇怕都好难闯入8强。
相对上，首战我哋推介牙买加不败，塬因全在于牙买加有众多球员战毕美洲国家杯，球员整体状态肯定比对手好，不过今场情况有啲唔同，一来加拿大都已经打咗场正式赛事，二来对方有多名球员喺北美洲打联赛，联赛亦正值开打期间，唔会有状态差距问题，反而呢场胜负关键仅在球员质素。
当然牙买加防线有多名英超、英冠兵级数高好多，但前线球员质素平平，今场都唔易咬入加拿大，而加拿大亦有半个主场之利，今场应该有唔少加国球迷去邻国打气，拉上补下双方喺各方面都冇绝对优势，今场捧和局合情合理。
（易搏赢）