唔少欧洲球队都趁住暑假入货，其实远在南美嘅河床亦冇偷懒，佢哋买嘅并唔係争紧上位嘅年轻新秀，而係昔日嘅青训产品沙维奥拿同埋艾马，另外曾经喺马赛搵食嘅路尔斯干沙利斯亦都来投，冇错以上球员个个都係30岁开外嘞，不过以佢哋嘅级数绝对有能力企稳阿甲，撞正呢排河床冇乜点赢，喺自己地头遇到弱旅坦柏利就係赢波嘅最佳时机！（周六16，香港时间周日4:00am开赛）

香港呢边打风，去到阿甲梗係留意飓风队啦，佢哋喺上个月头曾经赢过实力唔错嘅拉费尔拿，之后作客高隆亦能够喺半场落后嘅颓势之下追成平手，一队下游份子有咁嘅表现都几够说服力，喺主场迎战排名更低嘅防卫者冇甩拖。（周六24，香港时间周日7:30am开赛）（夏文）