■卡路士宣布复出，以佢嘅波底喺印度可以打横行！

 

呢次真係要讚吓我哋《新报》有先见之明，早几日先至讲过2002年世界杯冠军巴西有唔少老将都宣布复出，係争个卡路士仲叹紧世界，点知佢就喺前日正式宣布会以42岁高龄再次出山，而今次嘅目的地就係印度超嘅德里戴拿模。

 

都话咗唔少「R」字头嘅巴西球星复出，依家连卡路士都再次出山，相隔3年之后重返球场！如果话美职係「老人院」嘅话，咁样印度超就一定係亚洲最佳嘅「度假胜地」嘞，今季佢哋除咗有卡路士之外，安历卡都喺印度搵食，而上季阿仙奴嘅皮里斯同埋路尔斯加西亚等人都喺当地过吓波瘾，即使係年过40都唔惊失业啦。