日职次阶段开波，川崎前锋友赛惨吞6隻光蛋，不过对手係德国劲旅多蒙特，所以都算合情合理，今仗日职喺主场对住同级数嘅FC东京，预料唔会受到影响，足智彩开，买川崎前锋让平手、半球上盘。（周六3，有线61及201台周六5:30pm直播）
唔计友赛多蒙特，川崎前锋喺日职其实已经取得3连胜，包括击败鹿岛鹿角、松本山雅同埋湘南比马，而且每场比赛至少入两球或以上，虽然后防未必好稳，但攻击球员就保证有货交，加上今日喺主场出击，可以预计川崎前锋唔会留手。
FC东京同样喺日职连胜，当中嘅战绩包括3:2赢清水心跳、2:1赢鸟栖砂岩，同埋2:1赢松本山雅，走势同川崎前锋好相似，不过睇番交手往绩，FC东京就好输蚀，近6次到访仅尝一胜，当中更试过大败，故拣川崎前锋平手、半球上盘有理。
柏雷素尔主场对鸟栖砂岩亦可睇高一线，事关柏雷素尔喺佢哋狭窄嘅地头出击不嬲都够晒气势，适逢鸟栖砂岩连同日职、日联杯已累积6场不胜，足智彩开平手、半球盘，柏雷素尔上盘让得起。（周六6，香港时间周六6:00pm开赛）
神户胜利船「水」位高
清水心跳对神户胜利船一战就係海军斗水兵，虽然客军神户胜利船近况普通，不过清水心跳3连败仲大镬，阵营内士气跌到落谷底，如果大家够胆识，可敲神户胜利船开4.1倍嘅「让客」。（周六8，香港时间周六6:00pm开赛）（利添胜）
石川直宏（FC东京）
