軍情
塞爾維亞U21上次全靠首席射手佐迪域完場前頂入波，逼和馬其頓U21，才保住些微出線機會。但今戰必須大勝外，還要期望其餘兩組次名積分低於他們才可出線，機會根本渺茫。球隊今戰更要面對中場重心馬高古積停賽，進攻火力勢必大幅削弱。至於後備中堅彭高夫亦要坐波監，亦會影響球隊調動。
西班牙U21在上輪擊敗了葡萄牙U21後，已鎖定了小組首名出線資格，今戰應會為正選陣容作出適當變動，以作試陣及讓主力小休。馬體會中場沙奧尼古斯上戰有個「美斯式」1打4入球，已經連續2戰取得「士哥」，腳風大順。馬拉加前鋒辛度拉美利斯剛戰開齋取得入球，今戰應該仍會受重用。擁有大國腳經驗的箭頭伊拿基威廉斯與中場奧耶沙巴爾，將有望在今屆賽事首次獲得擔正機會。
塞爾維亞U21
停賽：馬高古積（中場）、彭高夫（後衛）
上陣成疑：／
受傷／缺陣：／
西班牙U21
停賽：／
上陣成疑：／
受傷／缺陣：／
近況
12支球隊分3組進行分組賽打單循環，每組首名及最佳次名晉級準決賽，小組同分先計對賽。今場為B組賽事，於波蘭比得哥薩舉行。塞爾維亞U21上戰逼和馬其頓U21，表現其實令人失望。該隊連熱身賽計，近4戰只得2和2負，狀態與信心同樣落入低谷，今戰絕對不易反彈。西班牙U21在分組賽2戰全勝，連同之前熱身賽，踏入2017年以來4戰全勝，狀態大勇。雖說「小狂牛」今戰或會以部份副選上陣，但質素依然高超，加上眾將要為爭逐正選位，戰意仍然高昂，縱然兩軍過去2次交手，西班牙U21未嘗勝果，惟今戰「主客和」客勝仍可捧。
對賽
兩軍上次交手，開出了「入球」大。
內容完全由《都市日報》提供，所載資料只供參考，內容及有關資料並未經香港賽馬會及其附屬公司（"馬會"）確認及核實，亦不會被用作派彩用途，馬會同時不對該等內容的準時性、可靠性及準確性作任何表述或保證。
