由奥格斯堡主场火併法兰克福，有睇开德甲嘅朋友，但会知道呢场系好野嚟，两军近期踢法开放火力强劲，而且斗志十分旺盛，今晚碰头肯定癫凤斗狂龙，唔忧冇波入，中位数2.5球大盘系稳阵之选。

法兰克福绝对系今季德甲开锣以嚟嘅最大惊喜，季前好多人对佢的持悲观态度，因为上季领军攞到不俗成绩嘅教练尼高高华，畀班霸拜仁慕尼黑撬走左，搵嚟瑞士教头侯达代替，点知原来变得更好，皆因法兰克福嘅强项系进攻，保守嘅尼高高华未能完全发挥球队所长，依家侯达嚟到踢3412阵式嘅开放足球，前线3叉戟列比锡、卢卡祖域同施巴斯坦贺拿嘅表现更上一层楼，凭佢的3人之力，已经喺11场联赛入左23球，法兰克福目前位列联赛前4，欧霸盃亦喺小组赛4战全胜提早出线，成绩令人喜出望外。

奥堡肯攻唔赦法福三叉戟

不过，法兰克福今晚可唔可以延续近期强劲走势，黑柴就唔系咁肯定，皆因主队奥格斯堡亦非弱者，佢的上轮作客面对劲旅贺芬咸，显示出顽强嘅斗志同战斗力，拼到比赛尾段至不幸输波，呢班波嘅战斗力同锋力都有保证，而且位列中游冇乜护级压力，所以唔怕抢攻，近6场德甲就有5场开出3球或以上嘅大盘，虽然防线能力相对较弱，但佢的近11次主场对法兰克福只系输过1次，今仗开出平手盘证明庄家都唔敢睇低佢的，今场一于博大盘啦！