今晚英超1哥曼城出击作客韦斯咸，「锤仔帮」一向神经刀，喺箭头阿拿奥杜域脚风欠顺下，迅速打回原形，撞正气势如虹兼例必抢缰嘅曼城，半场都顶不住，一于捧1.6倍半场客胜。

「蓝月亮」曼城近期勒都勒唔住，联赛连盃赛在内近7场全胜，对手仲包括曼联及热刺等劲旅，喺阿古路、加比尔捷西斯、大卫施华及史达宁轮流发威下狂轰26球，火力惊人，而且主帅哥迪奥拿力主先发制人，呢7场胜仗全部上半场已经领先，由头赢到尾，非常抢缰，相信今场亦会喺初段抢攻，尽早锁定胜局，毕竟球队下周欧联要作客里昂，早啲奠定胜局就可以畀主力休息。

韦斯咸颓爆打回原形

韦斯咸经历早前一段「小阳春」后，近6场仅得1胜，再次打回原形，好大原因系奥地利国脚阿拿奥杜域脚风欠顺，近5场仅入1球，而「小豌豆」查维亚靴南迪斯亦不受重用，连同耶莫兰高、山齐士摩兰奴提早收咧及韦舒亚受伤，加上中场辛迪加斯要坐波监，可谓雪上加霜。曼城作客韦斯咸近年都系「大虾细」，近3次赢晒仲系半场领先，不论近况同往绩都支持半场客胜，有买趁手。