至于尾场史浩克04主场对纽伦堡，两军目前同得10分喺联赛榜下游挣扎，史浩克上轮畀法兰克福大炒，纽伦堡更喺打吡战主场输畀包尾嘅史特加，呢对难兄难弟同样面对锋力不足问题，今晚预期入波都唔会多，捧番中位数2.5球细盘好过。

史浩克今季痛失哥列斯卡同麦斯美亚两大中场领袖，令佢的组织进攻迟未能搵到新方向，依家踢左11轮只入得8球，系德甲锋力最弱球队，今场佢的仲有射手马克乌夫同比列安保路因伤缺阵，火力进一步削弱，加上佢的仲分心应付紧欧联，下周中作客对波图嘅战役系出线关键战，更加令佢的今场唔敢去得太尽。

纽伦堡喺德甲已经5轮未赢过，不过除左上轮心急进攻输左畀史特加外，之前两轮都和到波，球队经过早前惨败喺多蒙特同莱比锡脚下后，近期明显加强防守，今晚作客面对牌面比自己高嘅对手，相信更加唔会乱抢攻。