东南亚锦标赛赛B组今晚爆发榜首大战，菲律宾主场硬撼泰国。虽然两军目前同样两战赢晒，但泰国狂轰11粒坚有霸气，加上近5次喺东南锦斗菲律宾赢4次，今仗有力反客为主，客胜有计。

泰国系历来东南锦捧盃次数最多嘅球队，总共攞过5次冠军，佢的喺今届头2轮分组赛，先系作客狂数东帝汶7粒，然后返主场再以4比2击败上届亚军印尼，两场合共丧入11球，火力惊人。特别系前锋卡拉桑2场个人共轰入7粒，脚风超顺，其拍档施仁湛亦频有助攻，佢两个咁弗，今仗势必成为菲律宾嘅心腹大患。

另一边厢，菲律宾头2轮分组赛虽然都擸晒6分，但都系煲鱼生粥仅仅熟，首仗全凭比赛末段入波才以1比0险胜新加坡，上场面对弱旅东帝汶，更在一度领先3比0情况下，最终连失2球仅胜3比2，对住鱼腩都要失2粒，后防坚唔稳，面对火力全开嘅泰国，难有运行。何况两军近5次喺东南锦赛碰头，泰国取得4胜1和佳绩，包括上届分组赛以1比0击败身为主办国之一嘅菲律宾，今次可再做「恶客」，客胜捧得过。