B1组赛事捷克主场迎战斯洛伐克，由于同组乌克兰以9分肯定升班，两军正为护级而战，双方交手通常都多波入，翻查往绩，近10次对碰有9次总入球3球或以上，今场形势两军唔想包尾都要抢分，易造就入球骚。
熟悉历史嘅球迷，应该会知道捷克同斯洛伐克喺1918年至1992年其实系一个国家，喺1989年「天鹅绒革命」之后，1993年1月1日正式分家，其实两边系完全唔同嘅民族，但1993年分家可以话系「和平分手」，所以多年都冇乜国仇家恨，有人形容系「两兄弟分家」，感情冇大变。
护级生死关头实斗攻
不过，讲到足球场上，捷克始终畀人大佬嘅感觉，但近年斯洛伐克开始掘起，现时世界排名28更高于捷克嘅48。两军上周都赢波，捷克作客1比0击败波兰，斯洛伐克更于主场大炒乌克兰4比2。虽然斯洛伐克作客成绩惨不忍睹，近5仗只得1和4负，但嚟到护级生死关头，都唔得理咁多，一于同捷克斗抢。事实上，双方对赛极旺大，近10次交手9次开大，值得再追。
