欧国联B2组周日凌晨都有好戏码，土耳其主场斗瑞典。喺小组落后榜首4分屈居第2嘅土耳其，虽然已经无缘升班，不过仲要全力护级，尤其面对踢完世盃后颓晒嘅瑞典，土耳其有力凭主场优势取佳绩，主胜唔好错过。

土耳其首循环作客瑞典，喺先落后2球嘅劣势下，凭查汉奴古入波同阿基巴巴个人梅开二度，最终以3比2热血反胜对手，尽显鄂图曼军团永不言败嘅精神。虽然阿基巴巴今次因伤落选，不过罗马尼亚籍领队卢捷斯古都召入爱华顿箭头人物辛克杜辛，同埋喺西甲揾食嘅年轻前锋伊尼斯乌纳，攻击力绝对有返咁上下。

瑞典大脑科斯贝治缺阵

相反瑞典自从喺今夏世盃8强出局之后，近4仗国际赛仅取2和2负，表现令人失望，而效力德甲劲旅RB莱比锡嘅中场大脑科斯贝治，今次仲因伤未有入选，令呢支北欧军团实力大减。加上佢的近3次面对土耳其全部输波收场，呢次作客出晒名声势浩大嘅土耳其主场，瑞典根本难有作为，捧番主胜好过。