富明尼斯留力南球盃

由于国际赛关系，周中受注赛事唔多，好彩仲有巴甲开快车唔怕大家闷亲，今日阿King重心推介系彭美拉斯让球主胜，加埋华斯高半和及利斯菲体育会主W，3串1有7.1倍，希望帮到大家搵餐晏仔。

先讲今日重心彭美拉斯主场斗富明尼斯；榜首彭美拉斯现时领先次席国际体育会5分，联赛剩馀5轮，争标形势大好，彭美拉斯系目前巴甲入波最多同失球最少球队，无论攻守都有一定水淮，如果最终能够封王，称得上系实至名归。富明尼斯位列中游，可以讲系高不成、低不就，最重要系富明尼斯已经杀入南球盃4强，首回合落后帕拉尼恩斯0比2，次回合非胜不可，相比之下联赛自然冇咁睇重。睇番富明尼斯对上5场联赛唔单止3度落败，而且近4场作客3次输波都唔止输1粒，进取啲博彭美拉斯让球主胜。

华斯高劲旺半场和

至于华斯高主场斗帕拉尼恩斯；华斯高仍需抢分护级，不过佢的实力一般，入局较慢，近7场联赛全部开出半场和，对住近期需要兼顾南球盃战线、一周三赛嘅帕拉尼恩斯，捧半场和岩数。最后一关系护级抢分大战，第16位嘅利斯菲体育会主场斗第18位嘅维多利亚。利斯菲只比维多利亚多2分，今场赢波就可拉开至5分差距，护级前途更加一片光明；维多利亚作客脚软，近10场作客只得1胜2和7负，其中6场冇波入，造访战意十足嘅利斯菲料凶多吉少，主胜值博。