周四凌晨国际热身赛，瑞士将会主场迎战卡塔尔。为备战欧国联嘅瑞士，近期主场走势唔错，尤其开波初段就积极抢攻，呢场喺自家球迷面前面对实力欠奉嘅卡塔尔，有力先拔头筹，睇好佢的半场赢住入更衣室，半场主胜捧得过。

现时世界排名高踞第8嘅瑞士，为争入欧国联4强，嚟紧仲要喺A2组，同劲敌比利时喺分组赛最后煞科战决一高下，为备战关键赛事，呢场友谊赛搵嚟卡塔尔练兵，瑞士肯定希望踢出士气波，以最佳状态面对比利时。尤其阵中两位效力英超劲旅嘅主力梳顿沙基利同格列沙加，今季各自都交出水淮表现，有望将好脚头带到国家队。

卡塔尔级数差好远

另一边厢，中亚球队卡塔尔同样都积极备战紧来年嘅亚洲盃，西班牙籍领队山齐士今次召入多位国内联赛劲旅艾萨德球员，包括攻击手艾菲夫同艾哈杜斯等人，可惜世界排名得96位嘅卡塔尔，整体实力明显同由欧洲一流球队主力组成嘅瑞士有好大差距，呢场作客随时一开波就陷入被动。加上瑞士近期主场出击开局气势如虹，近6仗主场有5次半场就取得领先优势，呢场绝对有力再抢缰，半场主胜唔好错过。