蓝月亮让1/1.5球过晒火

今晚英超爆发曼彻斯特市打吡，曼城主场斗曼联。卫冕嘅曼城今季保持强势，以波论波可谓超班，但今场主胜仅得1.26倍真系恶到得人惊，莫连奴统领嘅曼联始终有其「魔性」，而且上季有作客曼城赢波嘅经验，唔能够完全轻视，「蓝月亮」要赢两粒谈何容易，乐比宁捧受让1/1.5球嘅曼联下盘。

曼城上季以破纪录姿态勇夺英超，全季只系输过两场，其中一场就系输畀曼联，推迟左夺标时间，可见曼联依家就算几弱，始终烂船都有三斤钉，何况曼联依家正值全季状态最好嘅时候，上周中欧联反胜祖记2比1后，已连赢3场，虽然论表现曼联唔算突出，但起码落后仍无放弃，比起季初踢来总算有番啲斗志。

卢卡古缺阵全队顺晒

好多曼迷都认为，曼联近期嘅「回勇」同卢卡古缺阵有关，虽然卢卡古确实有独自搵食能力，但配合上同曼联战术有啲格格不入，尤其系曼联今季经常破唔到对手密集，佢大大件走位唔够灵活，反而经常堵塞左队波嘅攻势，而作为球队前线嘅支点，脚下功夫亦略嫌粗枝大叶，导致球队反击唔够效率。一句讲晒，呢几场卢卡古唔喺度成队波顺晒，安东尼马迪尔同拉舒福特都生猛番。

曼城对强队易陷于苦战

榜首嘅曼城暂时以9胜2和排榜首，系英超得球最多及失球最少球队，表面上系无懈可击，但曼城最强大地方系对弱队胜算高，对实力有番咁上下嘅球队，又唔系真系无可挑剔，起码联赛对利物浦就曾陷于苦战，欧联主场亦输过畀里昂，今场绝对唔系赢硬，让1/1.5球绝对过晒火位。

军情方面，曼城上场欧联大胜萨克达其实都留有一手，阿古路相信会复任正选，长期伤兵则有奇云迪布尼。至于上季赢曼城3比2梅开二度嘅保罗普巴据报有轻伤，缺席左上周五嘅操练，但相信问题唔大都会畀佢正选上阵，今场随时再做关键人物！