欧联发波瘟C朗一肚火
今晚意甲压轴尾场，由AC米兰喺主场火併「1哥」祖云达斯。虽然AC射手希古恩希望报复旧东家，但祖记岩岩喺欧联一时大意输波，谷埋成肚火，王牌基斯坦奴朗拿度（C朗）不嬲最要面，今场实搵「红黑兵团」发洩，加上近年交锋食住对手，客胜不容错过。
希古恩唔弗无力复仇
上季仍系祖记主力射手嘅希古恩，因球队要高价买C朗，就将呢位阿根廷前锋掟去AC，今场自不然想向旧东家复仇，不过佢查实只系岩岩好番，未必够弗，中场碧基亚及查汉奴古仲养紧伤，祸不单行系后卫梅沙基奥又整伤十字韧带，要抖6至8周，咁多伤兵，而且近11场只得1场冇失波，防线极唔稳阵，搞到主帅加度素非常头痛。
祖记自今季开咧后，一直顺风顺水，不过在上周中欧联分组赛主场对曼联，喺领先1粒之下，竟于末段发波瘟连失2粒反输1比2，对一向稳阵嘅「老妇人」嚟讲非常罕见。而喺呢场先开纪录嘅C朗，赛后嬲到爆话佢的有3至4个机会可锁定胜局，衰在未能把握，反而曼联好似乜都冇做过就反胜，正正系自己队波过于鬆懈，最终受到惩罚，睇得出呢位王牌满腔怒火，梗系唔想连衰两铺，今场实搵AC发洩。
近5次对赛祖记赢晒
事实上，连续7季称霸意甲嘅祖记，喺国内未逢敌手，今季头11场联赛豪取10胜1和佳绩，等閒球队好难阻挡佢的，加上近5次对AC赢晒，明显格食格，客胜有计。
