喺欣赏「国家打吡」之前，东网仲有头盘「南部打吡」送畀大家，早场纽伦堡主场迎战史特加，两军今季都开得唔顺，同样需要为护级而努力，当中沦落榜尾嘅史特加近期换帅都毫无火花，新帅韦恩薛亚早前喺奥格斯堡取得成功，之后去到史浩克已经保持唔到，嚟到史特加暂时睇都改变唔到球队劣境，佢上任后球队喺德甲3连败之馀，劲失11球仲1球都入唔到，今晚到访邻居纽伦堡未系时候转弱为强，纽伦堡让平半都系吼番上盘。

纽伦堡进步主场可胜

史特加上月初作客以1比3不敌汉诺威后换帅，但继后面对多蒙特、贺芬咸同法兰克福，一样输到无还手之力，新帅韦恩薛亚明显仲未搵到改善球队表现嘅办法，今场仲有阿根廷守将恩素亚停赛，守将波拿苏沙、中场迪达维、贝基奥斯简、前线当尼斯同真基利文养伤，作客好难睇好。

至于主队纽伦堡目前排喺尾4亦要抢分，不过经过早前惨败畀多蒙特同RB莱比锡后，教练米高高拿明显落左工夫执好防线，近期接连赛和法