斗同级白礼顿不容再失

今晚英超头场上演抢分大战，升班球队卡迪夫城于主场火併白礼顿。「卡城」联赛两连败依家沦为尾2，再抢唔到分就情况堪虞，主场出击遭遇同级球队不容再失，今场开出平手盘之馀，「卡城」仲被质到劲低水，似乎庄家都睇好佢的，1.76倍平手盘自然捧得过。

今季重返英超嘅卡迪夫城，开咧至今联赛只系赢得1场，难怪排紧尾2，不过斯维有睇开佢的嘅比赛，发觉呢班波虽然质素有限，但近期表现唔算失礼，先喺大前仗击败今季大洒金钱嘅富咸开斋，前仗作客争标热门利物浦，一度追近至1比2，尾段空群而出先至大败，上仗主场对李斯特城，虽然以0比1仅负，但全场控制战局，仲有一球中柱波添，最尾冇分落袋坚唔抵，不过睇得出佢的劲有斗心，呢样野绝对系护级嘅先决条件。

盘口反映获庄家睇好

白礼顿依家位列第12位，近4场联赛赢3仗狂抢9分，睇落好醒，弊在呢类中型班往往表现飘忽难以捉摸，经过一轮抢分攻势后，小心获利回吐。单计近期战绩，白礼顿无疑佔晒上风，但今场开出平手盘，而且白礼顿竟然有逾两倍咁好分，边有咁笋呀？相反卡迪夫城被质到得番七几水就有啲奇怪，斯维今仗睇盘做人，博卡迪夫城坐和望赢。