沙真奴福星高照

今晚亚冠盃决赛次回合上演，由伊朗班霸柏斯波利斯主场再斗日职鹿岛鹿角。鹿角首回合领先2比0，今仗只要唔输就会历史性封王，有当旺福星沙真奴压阵下，加上挟近5仗亚冠盃赢4场嘅强势，造访焗攻嘅柏斯波利斯，岩晒客军打反击，鹿角有得受让咁笋，一于捧1.55倍让球客胜！

鹿角喺首回合凭两名巴西外援里奥施华及沙真奴各建一功，主场以2比0轻取柏斯波利斯，今场只要保持不败甚至仅输一粒，都可以历史性捧走亚冠盃。其中沙真奴坚好脚头，呢位今年7月底先加盟鹿角嘅射手，迅即成为福将，佢由8强首回合开始，连续5场于亚冠盃上阵皆有士哥，带领鹿角取得4胜1和，若然今场再有波入兼助鹿角封王，可以称得上一时佳话。

柏斯波利斯焗攻择使

落后2球嘅柏斯波利斯今仗冇得拣，最起码要入到波先有价讲，但佢的近3场亚冠盃只入得2粒咁大把，锋力颇为疲弱，再者谷得太前随时畀机会鹿角反击。睇番鹿角晋级过程，佢的8强斗中超劲旅天津QJ，同样喺首回合领先2比0下，次回合再大炒3比0，去到4强斗南韩蓝翼，鹿角首回合领先3比2，次回合作客亦系先开纪录嗰队，证明佢的踢反击战特别有心得，依家揸住两粒喺手，今场绝对可睇定食，受让必捧让球客胜。