周三凌晨欧联早场，贝尔格莱德红星主场硬撼「红军」利物浦。实力明显欠奉嘅红星，防线表现弱不禁风，去到欧联赛场只好任人鱼肉，呢场再遇火力强劲嘅利物浦，随时再有惨败血案发生，如果嫌客胜太热，转捧中位数3.5球入球大绝对系好路。

曾经喺1991年称霸欧冠（欧联前身）嘅贝尔格莱德红星，早年风头一时无两，仲曾嚟过香港献技，对唔少资深球迷嚟讲肯定唔会陌生。可惜今时唔同往日，时隔多年重返欧联正赛嘅红星，明显技逊一筹，分组赛3仗未赢过之馀，近2仗欧联仲惨吞10球，包括早前1比6畀巴黎圣日耳门血洗，球队后防级数未达欧洲赛事水平。

相反利物浦无论实力或者欧战经验都远胜对手，领队高普教波又以进攻足球见称，拥穆罕默德沙拿、罗拔图法明奴同沙迪奥文尼呢班「埃及文明」组合领衔锋线，红军近5仗欧联就有4仗开4球或以上，火力认真惊人。今仗喺队长佐敦轩达臣同拿比基达倦勤嘅情况下，高普相信都会以攻代守，靠犀利攻势剑指3分，希望可以稳固C组1哥嘅地位，中位数3.5球入球大唔好错过。