周一凌晨西甲尾场中游大战，贝迪斯主场硬撼切尔达。贝迪斯近期联赛攻极都冇波入，前场火力大减，好彩球队后防硬淨搭够，呢场开局料都会控球在脚睇定啲嚟踢，半场前都难有波入，拣番半场和好过。

贝迪斯今季喺领队史坦恩带领下，虽然继续保留一贯赏心悦目嘅传控打法，不过前场进攻明显曳左唔少，西甲10轮过后全队暂时只入到5球，系联赛火力最差嘅球队，皆因好多对手睇通佢的整体实力甚强，宁愿摆大巴都唔敢冒进，结果搞到贝迪斯一班前锋冇啖好食。好彩贝迪斯后防表现稳阵，尤其新加盟嘅防中威廉卡维奴表现抢眼，有效保护防线，令球队近5仗联赛4次半场都力保不失，兼同对手打和。

贝迪斯留力欧霸唔会急

另一边厢，切尔达发挥飘忽，暂时只排名西甲第10，近3仗联赛作客未赢过波之馀，其中2仗半场都入唔到波，表现难有保证，对住实力不俗嘅贝迪斯，更加唔敢抢攻。加上贝迪斯嚟紧仲要喺欧霸面对AC米兰，呢场点都唔会博得太尽，开波初段宁愿搓住慢慢踢，半场和系好路。