今晚英超尾场上演伦敦打吡，由「3哥」车路士于主场迎战水晶宫。虽然车仔王牌夏萨特仲未好番，万幸嘅系一向败家嘅艾华路莫拉达生性脚风转顺，加上近期出战联赛例必先发制人，遇上防线欠稳嘅水晶宫，不妨拣半场主胜。

车仔王牌夏萨特仍受背伤困扰，为安全起见今仗或继续收起，好彩佢的大把人用，之前受伤嘅前锋柏度洛迪古斯已经好番，而「败家仔」艾华路莫拉达近期突然生性，近3场联赛入2粒，信心返晒嚟，趁住中锋基奥特未好番，呢位西班牙前锋梗系要入多几粒争取表现。除左佢的之外，中场巴克里更连续3场联赛有士哥，被大讚系「新林柏特」，个个都咁弗，「夏神」可放心休息。

水晶宫近5仗场场有失波

水晶宫上轮好醒咁逼和阿仙奴2比2，令对方各项赛事11连胜断缆，点知转个头喺上周中英联盃畀米杜士堡踢出局，近5场输左4仗，场场有失波，防线坚唔稳。唔计社区盾，车仔自开咧后各项赛事15仗未输过，当中赢左12场添，弗到冇朋友，今仗赢波冇难度，但主W赔率太奀，而且佢的近6场联赛，有5次于上半场取得领先，咁鬼抢缰，转捧半场主胜。