周五澳职墨尔本城主场迎战FC悉尼。FC悉尼刚喺澳足盃决赛输波卫冕失败，今场定必争胜博反弹，球队近6次对墨城全胜，摆明格食格，平手盘抵玩。

FC悉尼喺周二举行嘅澳足盃决赛以1比2不敌阿德莱德联，近3届决赛2度屈居亚军，不过佢的喺前年澳足盃决赛输波后，跟手11场联赛一口气攞到8胜3和，成为季尾勇夺常规赛冠军嘅最大关键，所以绝对唔可以低估FC悉尼嘅反扑能力。

事实上，FC悉尼已经适应左教练艾莱特及两大主力保保、美亚斯祖斯基离队嘅影响，上场联赛喺打吡战以2比0击败西悉尼流浪者，除打开今季联赛胜利之门，新加盟嘅英格兰前锋方祖更加连续5场比赛有士哥，脚风大顺好难抵挡。

近6交锋悉尼赢晒

墨尔本城头2场联赛虽然都同悉尼一样录1胜1和，不过2场都系先失波，如果今场又再先失守，要喺上季常规赛失波最少嘅悉尼身上收复失地唔容易，更何况墨城最近6次交手全部输晒，主场出击都冇优势可言，平手盘捧悉尼。