朗尼压阵愈踢愈醒神

周五早上美职淘汰圈战火再燃，其中东岸华盛顿联队将会主场迎战哥伦布机员。华盛顿联队自朗尼加盟之后，成队波即刻生猛好多，尤其近期主场优势明显，呢场再喺自己地头出击绝对有着数，主胜有2.15倍够晒和味，唔好错过。

今季美职季后赛最具话题性嘅球队，肯定非华盛顿联队莫属，皆因球队自高调引入前曼联同爱华顿前锋朗尼之后，成队波好似转晒性咁，表现大大改善。好多人以为呢位33岁英格兰球星，决定嚟美职同半退休冇分别，不过出晒名求胜心强嘅佢，就攞出实际表现，向大家证明自己依然仲有货。常规赛季中加盟之后，随即以12个入波成为球队头号射手，状态明显弗到爆。有呢位多年嚟喺英超揾食嘅球星压阵，华盛顿联队近5仗主场就豪取全胜佳绩，今场面对典型主强客弱嘅哥伦布机员，乘势再赢冇难度。

洛杉矶盐湖城西岸献细

同日西岸淘汰圈大战，有FC洛杉矶主场斗皇家盐湖城。皇家盐湖城作客表现飘忽，尤其进攻效率时好时坏，近7仗作客6次开3球或以下。主队FC洛杉矶虽然今季首次踢美职，不过佢的有卡路士韦拿等进攻好手在阵，实力绝对唔讲得笑，唔敢轻敌嘅皇家盐湖城，呢场作客应该会踢得更谨慎，以守为主，唔畀主队有机可乘，中位数3.5球入球细系好路。