周五凌晨英联盃16强上演全英超对碰，曼城主场迎战富咸。论实力及状态，曼城毫无疑问赢富咸几条街，不过曼城现时兼顾三条战线，无可避免会喺重要性较低嘅英联盃作出轮换或留力，让球主客和曼城让三球唔多值博，波童建议转敲3.5球嘅入球细。

小将当家难大胜

曼城喺周二凌晨作客1比0击败热刺，重登英超榜首，相隔三日又要再度出战，相信哥迪奥拿喺阵容上会作出取捨，睇番佢的上圈英联盃作客赢牛津联3比0一役，小将辛真高、菲尔科顿、巴谦戴亚斯及门将艾利真历梅历治都有份打正选，预计今场情况会差唔多，以曼城近7场只有1次可以净胜对手4球或以上嚟睇，让球主客和让到三球实在唔太值博。

富咸虽然4连败兼失15球，不过正所谓知耻近乎勇，面对技高一筹嘅对手相信亦都唔会踢得太进取。富咸今季联赛首循环嚟到曼城主场只系输0比3，今次乘对手有可能留力，应该可以拉近啲距离，大细中位数有3.5球，波童建议拣细盘。