林柏特领兵倒戈

「林伯」返蓝桥倒戈斗车！今晚英格兰联赛盃16强话题之战，由车路士主场对越级挑战嘅英冠「绵羊」打比郡，焦点落喺车仔名宿、现时升呢「绵羊」教头嘅林柏特，首度以主帅身份重返史丹福桥球场倒戈，到底一众车迷会支持边队呢？不过车仔王牌夏萨特有伤上阵成疑，而且盃赛场合例出副选，加上打比郡上圈淘汰曼联，信心爆棚，「让球主客和」仲受让二球咁笋，斯维就撑「林伯」嘅打比郡让球客胜。

虽然唔及岩岩挂靴嘅泰利般根正苗红，但林柏特喺车仔地位一样咁崇高，自2001年上「车」后，喺史丹福桥球场度过左13个球季，以中场球员身份轰入211球，成为车仔史上士哥王，协助呢支伦敦球队捧走联赛、联赛盃、足总盃、欧联及欧霸等重要锦标，绝对系「黄金战车」嘅Icon。「林伯」上年于美职挂靴，今夏接过打比郡嘅帅印，教得有声有色，唔单止带领「绵羊」位居英冠「6哥」，并喺上圈英联盃爆大冷，互射12码淘汰佢恩师莫连奴麾下嘅曼联，前锋哈利威尔逊更入左球靓波，唔讲得笑。

车路士出副选炒唔起

当然车仔实力劲「绵羊」好多，喺新帅沙利接手后开季联赛10场不败做紧「3哥」，不过呢位意大利教头于盃赛场合，经常派副选出战，而且王牌夏萨特受背伤困扰，上场联赛对般尼已经缺阵，今场亦未必出得，冇左呢位比利时队长压阵，无论系创造力定埋门一脚点都差啲，另一前锋柏度洛迪古斯上仗伤出，攻力受削。何况「让球主客和」车仔要让到2球咁辣，斯维觉得「绵羊」顶尽小败1粒，「+2」咪错过。