将会变阵出击嘅阿仙奴，英联盃主场迎战甲组仔黑池。兵工厂上周联赛失左2分，争标处于被动，嚟紧又会斗利物浦，盃赛留力系必然，不过唔需要担心阿仙奴二线兵威力，「MK仔」米希达利恩同韦碧克始终有一定级数，伤愈复出嘅门将施治把守最后一关亦够稳阵，相信要炒黑池几粒唔系问题，让球主客和让二球都捧让球主胜。
兵工厂各项比赛11连胜纪录断缆，其实唔系好大件事，始终要Keep住不停赢点都有少少压力，好似条橡筋咁愈拉愈紧，反而和左1场，畀球会上下鬆一鬆仲好。喺嚟紧周日对利物浦之前，周中联赛盃有过冷河作用，主力休息之馀，球队失分后唔使即刻对红军，二线球员又可以趁机表现吓身价，堪称一举三得。
黑池英联盃作客近9战输7次
因此，今场阿仙奴无论出乜野阵容，发挥唔会太大影响力，而且本身喺盃赛搏杀嘅米希达利恩同韦碧克，加上中场仲有艾利尼同伊禾比支援，级数都远比黑池高。黑池除左喺今届第2圈作客赢过唐卡士打，对上8次英联盃作客1和7负，嚟到酋长球队都系等劏，冇力顶住兵工厂。
