以战养战迎澳足盃决赛

今午澳职独脚戏，阿德莱德联主场出击斗纽卡素喷射机。阿联开咧战表现不俗，成功逼和两届常规赛冠军FC悉尼，状态明显弗过首战输波嘅喷射机，呢场继续有地利有望再添胜仗，主W有1.95倍坚吸引！

「澳职红魔」阿德莱德联喺揭幕战对住近2届常规赛冠军FC悉尼表现对办，大部分时间都佔尽控球优势之馀，仲成功靠新加盟嘅小将史葛加路维射入嘅世界波，抢得今季联赛首个入球，虽然最终都失守未能攞足3分，不过整体发挥已经算系水准之上。

查实阿联喺澳职开咧战前，已经率先打入澳足盃决赛，论状态明显「挞着左」，今仗佢的嘅射手巴巴迪亚华拉同前锋拉治兰布鲁克又可以复出，人脚更见完整，加上嚟紧下周二阿德莱德联就会喺澳足盃决赛再斗FC悉尼争冠，为保持士气，呢场联赛肯定希望赢波壮行色。

喷射机奥当路云仲未踢得

上季攞到常规赛亚军嘅纽卡素喷射机，联赛首战就以2比1输畀威灵顿凤凰，可见主力射手奥当路云嘅停赛对成队波影响颇大。睇返往绩，喷射机近4次作客对住阿联输左3次，个势明显畀对手食住，呢场喷射机想抢分边有咁易？梗系捧主胜啦！

两军交手例多波入

另外，阿德莱德联近5次喺联赛同纽卡素喷射机交手，有4次总入球都系3球或以上，上季次循环交锋，阿联仲赢5比2，开埋总入球「7+」，今仗中位数2.5球嘅大盘有1.68倍，值得一试o架！