周日凌晨西甲榜首大战，巴塞隆拿将会主场出击迎战西维尔。暂时屈居联赛第2嘅巴塞，为重夺榜首位置，呢场肯定抢攻，加上西维尔火力亦都唔失礼，两队呢场斗攻格，随时有入球骚睇，中位数3.5球入球大系好路。

不嬲由皇马、巴塞主导嘅西甲联赛，今季榜首争夺异常激烈，皆因两支传统巨头齐齐失准，尤其上季一直坚持到季尾，先畀对手打破不败金身嘅巴塞，今季早早就吞下首场败仗，近6仗联赛场场都有失波。表现咁飘忽，同球队后防人脚唔齐整有好大关系，两位守将乌姆迪迪同华美伦都有伤在身，防守表现肯定受影响，好彩前场有球王美斯担大旗，带领巴塞至今狂轰19球，绝对系联赛火力最强一队，呢场佢的想抢分惟有以攻代守。

「新C朗」安达施华大爆发

今季开局强势嘅西维尔，上轮击败切尔达之后，成功坐正1哥位置，呢场作客挑战巴塞，后防主将卡积亚赛前就讲到明唔会一味「泊大巴」，信心十足，全因佢的前场实力有保证，尤其新加盟嘅葡萄牙「新C朗」安达施华大爆发，至今个人攻入7球高踞射手榜前列，搭住法国前锋宾耶达等进攻好手，绝对有本钱攻破巴塞后防，两队呢场势必上演对攻战，大盘肯定冇鸡。