今晚直播禾夫斯堡主场对拜仁慕尼黑，拜仁寻日连开两个记者会，第一个系尼高高华赛前发布会，第二个至系3巨头同传媒讲话，尼高高华声称拜仁喺国际赛休战期已经做好准备，今晚有信心喺大众汽车球场赢得令人信服嘅一仗，打破各项赛事4场不胜嘅困局。

近4次作客禾堡全胜入13球

尼高高华话经过同球员对话之后，全队目前士气高昂，每位球员都好想落场帮助球队寻求反弹，较早前受伤嘅左闸阿拉巴亦已经康复，现时阵中只有京士利高文同哥伦天杜利素两名伤兵，喺好多位置上佢都面对取捨嘅烦恼，佢话喺操练中见到班球员经过一轮低潮后有明显嘅调整，相信今晚会有令人满意表现。

禾夫斯堡季初趁其他球队未上力连赢两场系威系势，不过教练拉巴迪亚喺德甲多年，成绩一向麻麻，佢嘅战术同调兵遣将功力始终未够班，两场虚火之后就无以为继，近5轮联赛未赢过只得3分，表现急速下滑，事实上禾堡个别球员质素虽然唔差，但攻守组织始终都唔够流畅，搞到经常要靠麦斯美艾洛特、尤路斯马尔尼等靠个人之力得分，面对整体实力高佢的唔只一皮嘅拜仁实在好难偷鸡。睇番拜仁近4次作客禾夫斯堡取得全胜之馀，仲合共轰入13球，大众汽车球场明显系佢的嘅福地，预期今晚有力大反弹，拜仁让一球、球半唔算多，黑柴撑上盘。