早场仲有A组布鲁日对摩纳哥，摩纳哥新帅亨利肯定成为主角，之前佢做比利时国家队助教，今场又返回比利时比赛，而摩纳哥喺佢带领下，联赛首战斯特拉斯堡输1比2，仲未走出低谷。法国传媒报道，亨利恩师兼前摩纳哥及阿仙奴领队云格，今仗或会以球会嘉宾身份现身比利时为亨利加油，希望可以为爱徒及母会带嚟好运。