随住列斯联喺日前已经率先跑出，今季英冠最后一个直接升班名额嘅争夺可谓更加白热化。而喺本週四凌晨，英冠最后一轮常规联赛就将打响，有球队如今命运已经不再掌握在自己手中，当中就包括今日嘅主人翁宾福特。

2020 年 7 月 23 日 (星期四) 02:30

宾福特 对 班士利

抢分欲望
目前手握81分嘅宾福特由于上轮意外落败，错失登上次席嘅同时，亦喺剩馀1轮联赛嘅情况下仍然落后第二嘅西布朗1分。可以讲，夺得直接升班资格嘅主动权已经不在宾福特手中。 

至于今仗对手班士利如今面临嘅局面可谓更加严峻，排名倒数第二嘅佢哋落后身前嘅卢顿和查尔顿均为2分，而呢两支队伍最后一轮嘅对手都已经係无欲无求。

虽然彼此都有抢分压力，但宾福特胜算更高亦係有可靠嘅数据可供支持，如下：
主客有别
进入2020年后，宾福特联赛主场取得7胜2和1负，而喺复赛后嘅4仗主场赛事中更加保持全胜。

同样喺复赛后，班士利4轮联赛作客仅得1胜1和2负，其中最近3仗未嚐胜绩。

攻防有别
班士利进攻火力喺英冠排名倒数第二位(均场入1.04球);

宾福特防守力度喺英冠排名第二位(均场失0.8球)

射手有别
目前正争夺联赛神射手宝座嘅宾福特射手O.华坚斯赛季至今攻入25球；

班士利今季联赛至今两大攻击手活特路和查柏连合共攻入25球。