洛辛堡駁火大反擊
文:Mic少

鄧達克有態發圍
今晚將上演多場歐聯外圍賽第2圈首回合賽事，由於歐洲大部分聯賽仍未開鑼，好多球隊狀態成疑，呢種情況下可留意愛爾蘭球隊鄧達克主場對挪超班霸洛辛堡，因為兩隊所屬聯賽正打得如火如荼，戰績比較有參考價值。鄧達克取得聯賽5連勝，銳不可當，至於洛辛堡勝在攻力強，而且上屆4場外圍賽總入球都達3球或以上，Mic少首選入球大。

（周四凌晨2時45分開賽）
講歐洲賽往績，鄧達克肯定比唔上洛辛堡，呢支愛爾蘭球隊從未試過突破歐聯外圍賽第2圈。不過以前唔得，唔代表依家唔得，皆因鄧達克狀況當弗，本土聯賽連贏5場，共轟入16球兼不失球。以呢支老牌球會目前勇態，正係打破宿命嘅好時機，特別係主場出擊就更有決心，如果唔贏就難望晉級，勢必趁勇豁出去一搏。

賓特拿翻生腳風順
至於洛辛堡以往係歐聯分組賽常客，可惜近10年風光不再，不過洛辛堡歐洲賽經驗始終比鄧達克豐富，即使作客都唔會怯場，隨時同主隊鬥攻。事實上，洛辛堡近期踢法充滿娛樂性，近3仗聯賽合共攻入11球，但亦失咗4球，前阿仙奴射手賓特拿仲連續2場入波，佢喺今季挪超已有6球進帳，獲得重生，鄧達克後防未必守得住佢，有利開大盤。