比馬細嗒綠茵
文:工廠仔

BMW球場出擊例少交收
周日晚日乙爆發前列之戰，「1哥」湘南比馬主場硬撼第6位的東京綠茵。湘南喺BMW球場兩戰綠茵1勝1和不敗，小讓平半可以話係筍盤，問題係湘南呢兩場波都開細，中位數2.5球嘅1.65倍入球細先係投注首選。

（周日晚6時開賽）
由於上輪勁敵福岡黃蜂意外輸波，湘南比馬現以1分之微升上榜首，雖則早前從日職球隊大宮松鼠簽入前鋒美迪查，不過今場多數唔出住，但係上仗坐波監嘅首席前鋒甸尼爾，刑滿可以重披戰袍，以佢哋過去主場10戰綠茵取得5勝3和2負嚟講，今場贏波好合理。但係湘南一向穩陣至上，今季22仗聯賽，累積攻入25球唔算標青，不過僅失17球，與松本山雅並列聯賽失球最少球隊。最值得注意嘅係，湘南10戰綠茵往績入面，喺ＢＭＷ球場出擊嗰兩場分別贏1比0同和1比1，其餘8場喺平塚踢先至較多開出入球大，今場咁啱就喺ＢＭＷ球場打，1.7倍上盤顯然唔及入球細穩陣。

升班關鍵 綠茵求穩陣
對手綠茵向「羅馬王子」托迪招手失敗，要爭前2名直接升班難度不小，但仍要搶分力保前6的升班附加賽席位，因此今戰被日本足球界形容為升班席位爭奪嘅分水嶺。雖然喺首循環聯賽綠茵主場僅輸2比3，所以視今場為復仇之戰，然而綠茵硬撼湘南之餘，其實希望至少喺湘南地頭攞1分，以免分差被拉開，一定會穩中求勝，唔會冒進，一於捧入球細。