ＦＣ首爾客戰濟州聯大駁火
文:工廠仔

周日韓職賽事，濟州聯主場迎戰上季韓職盟主FC首爾。FC首爾今季成績大倒退，特別係作客表現令人失望，近6仗聯賽作客僅得1勝之餘，防線合共狂失13球，遇上火力強勁嘅「地頭龍」濟州聯，中位數2.5球大盤乃不二之選。

（周日晚6時開賽）
上季全北汽車違規被扣9分，造就FC首爾以3分力壓全北汽車衝線，贏得球會歷來第6個韓職冠軍，可惜FC首爾今季未有增兵嘅情況下，應付聯賽同亞冠兩邊戰線，搞到兩頭唔到岸，亞冠盃分組賽早早被淘汰，依家喺韓職聯賽榜亦僅排第7位，落後榜首全北汽車10分，爭標可能性已微乎其微。

後防穿窿最攞命
FC首爾今季最大致命傷係後防不穩，其中近6仗聯賽作客場場有失波，合共失咗13球，就算前線保持一定入球能力，亦難彌補防線之失。

相反，濟州聯踢咗9仗主場聯賽取得5勝2和2負，其中近3仗2勝1和，包括以2比1擊敗榜首球隊全北汽車，可見佢哋今季主場威力靠得住，同時，濟州聯今季聯賽9仗主場出擊皆有士哥，合共轟入18球，今場波無懼同FC首爾駁火，捧2.5球嘅大盤最明智。