西甲冠军巴塞隆拿作客切尔达，翻开受注表你会发现，原来今场拥有主场之利嘅切尔达，主W比巴塞隆拿热，只得2.08倍，让球主客和仲要係让波嗰边，无他嘅，一边要抢分护级，一边係风流波，唔通巴塞下周有欧联大战跟尾仲出美斯同你搏咩？信操盘手畀料，今场一于撑主胜。
（Now 632周日凌晨2时45分直播）
今场开盘赔率係切尔达胜2.08倍、和波3.35倍、巴塞隆拿胜2.9倍。翻查纪录，切尔达对巴塞个W原则上都係5倍或以上，要低过3倍，只喺2006年5月出现过一次，但当时都仲係巴塞较热，今次係首次出现切尔达赔率热过巴塞。
巴塞留力欧联或全轮换
大家都明白，巴塞联赛冠军已到手，而且虽然欧联4强领先利物浦3比0，不过几日之后就係次回合，为咗避免有乜闪失，相信巴塞教练华尔维迪有可能全队轮换，留力同红军死过。至于切尔达现时排15位，但其实距离降班区只有2分，联赛只剩低3场，每场都要抢分，难得遇正踢风流波嘅巴塞，唔凭主场之利全力抢3分都对唔住自己啦，切尔达主场已经3连胜，博佢哋可以再下一城，捧主胜。