英甲煞科玩到尽
今日英甲煞科，阿King同大家一次过睇晒几个抢分位，包括冠军、升班附加赛同降班，齐齐睇住个积分榜买波，今轮12场一齐踢，完场就过关收钱。
先讲冠军，卢顿同班士利同获91分，比第3名嘅朴茨茅夫多4分，双双稳夺直接升班资格，当然，如果攞埋冠军就更加开心。卢顿主场对牛津联，班士利则会作客布里斯托流浪，牛津联同布里斯托流浪都冇嘢好争，照计都唔会阻住人发达，呢两隻W可以兼顾。
至于3至5位嘅朴茨茅夫、新特兰同查尔顿个附加赛资格就好稳阵，剩馀一个席位係唐卡士打同彼德堡争，前者只係领先1分，煞科战有乜闪失，随时会畀彼德堡过头。最后一轮唐卡士打对高云地利、彼德堡对伯顿，两军都係主场出击，主W应该无甩拖。
下游吼修安联偷鸡成功
至于护级方面就比较溷乱，只有排19位嘅AFC温布顿形势最好，只要和波就肯定留级。其馀尾五至尾二嘅修安联、普利茅夫、华素尔同斯肯索普只係相差1分，随时要去到最后1分钟先知边队安全。修安联主场对已笃定取得升班附加赛资格嘅新特兰，主场有机会偷鸡成功。至于普利茅夫同斯肯索普要直接对撼，虽然两队都要争取护级，可惜双方攻力疲弱，转玩细更佳。