今晚英超头场有「3哥」热刺打头阵，作客硬撼般尼茅夫。热刺依家心繫欧联4强次回合，何况剩番2轮联赛只要赢1场就可保住前4，今仗随时摆埋一边，加上般茅近年主场谢幕战特醒，仲有得受让咁笋，必捧让球主胜。
（Now 621周六晚7时30分直播）
热刺留力欧联勒住踢
热刺啱啱周中喺欧联4强首回合，有主场之利下仍以0比1输畀阿积士，落后兼畀对手抢到作客入球，形势不妙，嚟紧周中次回合作客，想出线杀入决赛非胜不可，睇番上轮联赛输畀韦斯咸1粒，班波就係挂住欧联搞到心不在焉，依家仲要落后紧，今仗战意成疑，对阿积士之役撞到爆缸嘅后衞维顿汉，为稳阵起见亦好大机会缺阵。话就话热刺要为保住前4抢分，但查实佢哋喺最后两轮只需赢1场，就可达标，现时欧联大过天，保前4留番下轮先喇。
般尼茅夫已经护级成功，依家踢紧风流波，不过今仗係今季最后一仗主场赛事，为报答球迷支持，一定落力打好谢幕战。翻查纪录，般茅近3季联赛主场谢幕战，取得2胜1和未输过坚醒。加上热刺近期客场特衰，近5仗联赛作客输晒，又要留力周中欧联之下，宁捧受让嘅般茅让球主胜。